Multivan hefur afgerandi eiginleika fólksbíls og er einstaklega meðfærilegur í akstri. Ökumannsrýmið hefur verið endurhannað frá grunni. Hönnunin miðar öll að því að auka þægindi ökumanns og að setja ný viðmið í viðmóti og aðgengi að stjórntækjum.
Í Volkswagen Multivan er gengið út frá rýmisnotkun sem samtvinnar fjölhæfni, notagildi og þægindi – rými sem þú ákveður sjálfur hvernig nýtist; sem skrifstofa á hjólum, fjölskyldubíll eða bíll fyrir frístundirnar, eða bara allt þetta. Lykillinn að fjölhæfni Multivan er brautakerfið. Fjórar rennibrautir eru í gólfi í afturrýminu og allar innréttingar eru hannaðar út frá því að einfalt sé að fella þær inn í brautirnar. Einfalt og snjallt.
