Nýr Tiguan.

Mikil geta í torfæruakstri gerir Tiguan Track & Field að raunsönnum jeppa sem líka vekur ánægju í borgarakstri. Leyfðu þér að hlakka til að upplifa takmarkalausa akstursánægju.

Kraftalegur framendi með torfæruútliti, grjóthlífin undir bílnum og 16 tommu „San Diego“ álfelgur sýna svo ekki verður um villst að Tiguan Track & Field er sannkallað orkubúnt. Svartir þakbogar og samlitir listar á hliðum magna enn frekar upp þessa tilfinningu.

Óhefðbundinn að utan og munúðarfullur að innan. Hægindasæti ökumanns er með mjóbaksstuðningi sem stuðlar að afslappaðri titlfinningu í akstri, jafnvel þegar leiðin liggur um gróft undirlag. Fágað efnisval stuðlar enn frekar að þessu. Snjallar lausnir í innréttingum, eins og til dæmis fellanlegt sætisbak fremra farþegasætis, geta reynst notadrjúgar í dagsins önn, eins og til dæmis þegar flytja þarf stóra hluti.

Með einum takka er kerfi fyrir torfæruakstur virkjað og um leið margvísleg stoðkerfi fyrir bílstjórann. Brekkuviðhaldið og uppaksturkerfi, minni viðbrögð frá eldsneytisinngjöf og afar næmt ABS-kerfi, auðveldar stjórnun bílsins í torfærum.

Á fjölaðgerðaskjánum birtast ekki eingöngu mikilvægar upplýsingar sem snerta sjálfan aksturinn, svo sem meðalhraði og meðaleldsneytisnotkun, heldur líka í hvaða átt ekið er, þökk sé innbyggðum áttavita sem er í bílnum.