Nýr Polo.

Meiri snerpa, minni eldsneytisþörf, minni koltvísýringur í útblæstri. Nýi 1.2 lítra TSI hreyfillinn í Polo er í öllu tilliti í fremstu röð. Með forþjöppu og strokkinnsprautun afkastar hann 77 kW (105 hö.) og knýr bílinn í 190 km hraða á klst. en eyðir þó aðeins 5.3 lítrum af eldsneyti að meðaltali á hverja 100 km. Auk þess nýtur umhverfið góðs af, þar sem magn CO2 í útblæstrinum er aðeins 124 gr./km. Til að byrja með verður þessi nýja vél fáanleg með 6 gíra beinskiptum gírkassa.

Bílatímaritið AutoBild hefur fært óyggjandi sönnur á að með Polo BlueMotion hafa nú verið ruddar nýjar brautir í bíltækni. Við prófun reyndist nýi Polo vera hlaðinn búnaði á sviði nýtækni og skaut þar með keppinautunum aftur fyrir sig. Samkvæmt áliti AutoBild er hér ekki eingöngu um að ræða „sæti í hæsta gæðaflokki" og „nákvæman, lipran stýrisbúnað," heldur er einnig talað um „framúrskarandi hemla og gírkassa ásamt hárnákvæmri stöðugleikastýringu." Og svo er bætt við „vandaður frágangur" og „mikilvirkur bíll". AutoBild klikkir svo út með því að segja "úrvals vara, hvernig sem á er litið."