Ábyrgðarskilmálar Volkswagen.

Til þess að viðhalda ábyrgð bifreiðarinnar er kaupanda skylt að færa hana reglulega til þjónustueftirlits. Við afbrigðilega notkun getur verið nauðsynlegt að líta eftir vissum þáttum með skemmra millibili en sýnt er í þessari þjónustuhandbók. Brýnt er að allt eftirlit, einnig smureftirlit, sé framkvæmt af viðurkenndum þjónustuaðila. Seljandi áskilur sér rétt til að hafna bótaskyldu ef þessu atriði er ekki fullnægt.

Með afbrigðilegri notkun er átt við eftirfarandi: Akstur í miklu ryki eða lofti mettuðu mikilli sjávarseltu. Akstur á mjög ósléttum vegum/utan vega. Akstur í vatni. Akstur á mjög stuttum vegalengdum í miklum kulda. Langvarandi lausagang hreyfils án þess að bifreiðinni sé ekið. Akstur með dráttaræki eða mikinn hlassþunga. Akstur leigubíla með/án farþega. Kappakstur.

Ábyrgðin fellur úr gildi að fullu: Ef gert hefur verið við bifreiðina á ábyrgðartíma af aðila, sem ekki er viðurkenndur af HEKLU. Ef notaðir hafa verið varahlutir í bifreiðina á ábyrgðartíma, sem ekki eru viðurkenndir af HEKLU. Ef ekki hefur verið fylgt fyrirmælum framleiðanda bifreiðarinnar í eiganda- og þjónustuhandbók. Ef bifreiðinni hefur í einhverju verið breytt frá upprunalegu ástandi, og rekja má meintan galla til þeirrar breytingar. Ef bifreiðin hefur orðið fyrir tjóni og/eða hefur verið skráð sem tjónabifreið.