Arteon

Stílhreini Arteon Elegance og sportlegi R-Line bjóða upp á staðalbúnað í hæsta gæðaflokki og mikið úrval aukabúnaðar. Í báðum útfærslum grípur ytra byrði bílsins til dæmis augað með 18 tommu álfelgum og krómlistum allan hringinn. Hugað er að hverju smáaatriði, eins og sjálfvirku stefnuljósunum að aftan, til að gefa bílnum látlaust en fágað yfirbragð í takt við tímann.

Mikið úval af sportlegum og fallegum álfelgum sem styðja fallega hönnun Arteon.

Hvort sem verið er að leggja bílnum í stæði, beygja eða fara út úr heimkeyrslu: Aukabúnaðurinn „Area View“ gefur ökumanni betri yfirsýn yfir umhverfi bílsins hverju sinni. Á skjá upplýsinga- og afþreyingarkerfisins birtast myndir úr fjórum myndavélum sem sýna svæði sem ökumaður hefur annars takmarkaða yfirsýn yfir, en það kemur sér einkar vel þegar plássið í kringum bílinn er af skornum skammti.

Stöðugt á verði – nýttu þér kosti aðstoðarkerfa sem eru staðalbúnaður, til dæmis akreinavarans „Lane Assist“. Akreinavarinn dregur úr hættu á slysum þar sem ekið er út af akrein í ógáti. Kerfið greinir akreinamerkingar með hjálp myndavélar og getur varað ökumann við um leið og bíllinn er við það að fara út af akreininni og stýrt honum aftur inn á hana. Þetta eykur öryggi og þægindi til muna – sérstaklega á langferðum og á einhæfum akstursleiðum.

Í Arteon er mun auðveldara að leggja í stæði. Bílastæðaaðstoðin „Park Assist“ er aukabúnaður sem reiknar út hvort bíllinn passar í bílastæðið. Þegar stefnuljósið er sett á segir það kerfinu hvorum megin götunnar á að leggja. Ökumaður þarf aðeins að gefa inn, kúpla og hemla á meðan bílastæðaaðstoðin stýrir bílnum sjálfkrafa inn í bílastæðið og út úr því.

Aðstoð í umferðarteppu notar aðstoðarkerfi á borð við sjálfvirka hraðastillinn ACC og akreinavarann „Lane Assist“ til þess að auðvelda ökumanni að fylgja eftir seigfljótandi umferð. Nýi Arteon fylgir bílnum á undan á 0 til 60 km/klst. og stjórnar eldsneytisgjöf og hemlum sjálfkrafa innan þeirra marka sem kerfinu eru sett. Bílnum er haldið á akreininni. Aðstoð í umferðarteppu veitir kærkomna aðstoð þegar umferðin er lúshæg og getur komið í veg fyrir dæmigerð óhöpp við slíkar aðstæður.

Aukabúnaðurinn „Emergency Assist“ tekur við stjórn bílsins þegar ökumaður missir meðvitund. Ef kerfið greinir ekkert lífsmark með ökumanni – þ.e. frá stýrinu, inngjöfinni og hemlum – gefur það frá sér viðvörun og bregðist ökumaður ekki við henni grípur kerfið inn í akstur bílsins. Er þá hemlað ítrekað, viðvörunartónn heyrist, viðvörunarljós blikka og bíllinn er látinn rása á akreininni, bæði til að vekja ökumanninn aftur til meðvitundar sem og til að vara farþega og aðra vegfarendur við.  Ranki ökumaðurinn ekki við sér er akreinavarinn „Side Assist“ notaður til að beina bílnum yfir á hægri akreinina og stöðva hann á öruggan hátt. Þannig getur kerfið komið í veg fyrir slys, innan þeirra marka sem því eru sett.

Hvort sem er í þungri umferð innanbæjar eða í umferðarteppu á þjóðvegum býður Arteon upp á framsækin aðstoðarkerfi sem auðvelda aksturinn. Svæðisskynjarinn „Front Assist“ með sjálfvirkri nauðhemlun innanbæjar og greiningu gangandi vegfarenda er til dæmis staðalbúnaður. Hann getur, upp að vissu marki, varað við þegar ekið er hættulega nálægt næsta bíl á undan og aðstoðað við að stytta hemlunarvegalengdina. Mikilvægur hluti „Front Assist“ er greining gangandi vegfarenda, kerfi sem getur greint þegar gangandi vegfarandi fer óvænt inn á akbrautina. Ökumaðurinn er þá varaður við með hljóðmerki og viðvörunarljósi. Hemli ökumaður ekki sjálfur hemlar kerfið ítrekað til að vara við hættunni. Ef ekki er brugðist við því nauðhemlar kerfið innan þeirra marka sem því eru sett.

Sjálfvirk virkjun fyrir sjálfvirku beygjuljósin er í boði sem aukabúnaður. Með leiðsögukerfi, sem einnig er aukabúnaður, er þannig hægt að spara allt að tvær sekúndur samanborið við þegar sjálfvirku beygjuljósin eru notuð ein og sér.

Þín gátt inn í stafrænar þjónustur Volkswagen og bein tenging þín við bílinn: We Connect pakkinn gefur þér innbyggða tengingu í þinn Volkswagen og þegar hann hefur verið virkjaður færðu frían aðgang að fjölbreyttum og framsæknum netþjónustum.

Heimur stafrænna þjónusta frá Vokswagen færir nettengingar upp á nýtt stig. We Connect Plus veitir viðbótar snjallvirkni, þar á meðal snjalleiðsögn, streymi og Internet-útvarp, sem og notkun og snjallsímanum þínum sem fjarstýringu – aukin virkni, aukin þægindi, afþreying og rauntímaupplýsingar.

Nú getur þú notað helstu aðgerðir snjallsímans með einföldum hætti í miðstokki bílsins þar sem þú hefur þægilegan aðgang að símanum, fréttum og tónlist. Þessi eiginleiki kallast App-Connect. Um er að ræða framsæknar tæknilausnir til þess að sýna efni í farsímanum á snertiskjá upplýsinga- og afþreyingarkerfisins MirrorLink™.