Hægt er að velja og setja upp We Upgrade-eiginleika í In-Car-netversluninni á skjá studda Volkswagen-bílsins.
1

We Upgrade.
Stilltur inn á þína framtíð.

Búðu bílinn undir framtíðina! Þegar þér hentar.

We Connect2 veitir þér aðgang að nýjustu kynslóð netþjónustu í fjölmörgum gerðum Volkswagen-bíla. Bíllinn getur verið nettengdur frá fyrsta degi og þá stendur þér til boða mikið úrval We Connect-þjónustu. Þegar búið er að virkja þjónustuna og skrá sig inn með Volkswagen ID gerir We Connect daglega lífið umtalsvert þægilegra. Nýr möguleiki er að hægt er að bæta völdum eiginleikum við Volkswagen-bílinn eftir að hann er keyptur. Þú getur sniðið bílinn að þínum þörfum, þegar þér hentar. Á einfaldan hátt ýmist í In-Car-netversluninni í upplýsinga- og afþreyingarkerfinu eða í We Connect-netversluninniOpens an external link. Hér getur þú sem We Connect-aðalnotandi séð hvaða We Upgrade1-eiginleikar eru í boði fyrir bílinn þinn á hverjum tíma og pantað þá beint í gegnum netið.

--:--

Volkswagen-bíllinn þinn getur alltaf lært eitthvað nýtt: We Upgrade-eiginleikar fyrir bíla sem styðja We Connect

Það er sama hvort það er í T-Roc, Tiguan, Touran eða Polo: Ef þig vantar leiðsögukerfi í Volkswagen-bílinn þinn geturðu einfaldlega keypt það eftir á.

Leiðsögukerfi: Rataðu rétta leið

Þarftu betri yfirsýn yfir akstursleiðina? Opnaðu þá fyrir leiðsögueiginleika í upplýsinga- og afþreyingarkerfinu Ready 2 Discover eftir á og bættu þannig þægilegu og aðgengilegu leiðsögukerfi við bílinn þinn. Þegar þú opnar fyrir eiginleikana færðu innbyggt, þægilegt og aðgengilegt leiðsögukerfi með tvívíðum kortum fyrir Evrópu og aðgangi að áfangastöðum (POI). Eftir að opnað er fyrir eiginleikana í bílnum verða þeir alltaf í boði óháð internettengingu eða We Connect-samningi. Auk þessara hagnýtu eiginleika sem hægt er að nota án nettengingar býður We Connect Plus-leyfi einnig upp á fleiri gagnlegar netþjónustur til viðbótar. Með umferðarupplýsingum á netinu færð þú sem aðalnotandi upplýsingar um breytingar og hættur á akstursleiðinni því sem næst í rauntíma auk þess sem leiðarútreikningur á netinu sér til þess að leiðsögnin verði sem best. Ef stillingin „Deila staðsetningu“ er valin í upplýsinga- og afþreyingarkerfinu eru kortagögn uppfærð sjálfkrafa með reglulegu millibili með eiginleikanum „Uppfærsla korta á netinu“ þegar bíllinn er tengdur við netið.

Hægt er að virkja raddstýringuna eftir á til þess að geta stjórnað Volkswagen-bílnum á þægilegan hátt með raddskipunum.

Raddstýring3: „Halló Volkswagen

Volkswagen-bíllinn þinn skilur þig. Þú segir einfaldlega „Halló Volkswagen“ til að byrja að tala við bílinn og getur þannig stjórnað tilteknum atriðum á borð við símann, afþreyingu og leiðsögukerfi á öruggan og þægilegan hátt. Til þess að geta notað raddskipanir í bílnum þarf að opna fyrir raddstýringu í upplýsinga- og afþreyingarkerfinu Ready 2 Discover 4 eða Discover Media. Allt eftir bílgerð og útbúnaði getur verið hægt að stjórna fjölda aðgerða í bílnum með raddstýringu. Þannig geturðu haldið athyglinni á veginum og notið akstursins enn betur.

We Upgrade – Skjót og einföld tenging við snjallsímann

App Connect5: Notaðu öppin þín í bílnum

Með App-Connect er hægt að tengja símann við Volkswagen-bílinn og nota tiltekin öpp og efni beint á skjá upplýsinga- og afþreyingarkerfisins. Þannig er til dæmis hægt að spila tónlist, hlusta á fréttir, skoða kort eða hlusta á hljóðbækur á einfaldan og þægilegan hátt. Volkswagen býður upp á þrenns konar tengimöguleika fyrir snjallsíma sem hver um sig býður upp á fjölda kosta: Apple CarPlay™, Android Auto™ frá Google og MirrorLink®. Þráðlaus notkun Apple CarPlay™ og Android Auto™ frá Google er einnig möguleg með We Upgrade-eiginleika fyrir leiðsögukerfið Discover Media og Ready 2 Discover. Til þess að trufla ökumanninn sem minnst er aðeins hægt að opna sérstaklega vottuð öpp meðan á akstri stendur. 

Frekari We Upgrade-eiginleikar fyrir Golf

Hægt er að bæta ACC-kerfinu við í Volkswagen Golf-bílum, en það greinir bíla sem aka á undan og heldur sjálfkrafa tilgreindri fjarlægð frá þeim.

Sjálfvirki hraðastillirinn ACC6: Heldur hæfilegri fjarlægð. Og hæfilegum hraða.

Sjálfvirki ACC-hraðastillirinn með fjarlægðarskynjara (Adaptive Cruise Control) hjálpar þér að halda innstilltum aksturshraða á allt að 210 km/klst. Þegar Golf-inn þinn er kominn of nálægt næsta ökutæki á undan breytir ACC-hraðastillirinn aksturshraðanum sjálfkrafa til samræmis, innan marka kerfisins, og heldur þannig innstilltu fjarlægðinni.

Light Assist: Blinda engan. Við nánast öll skilyrði.

Með háljósastjórnuninni Light Assist í Golf sérðu akstur að næturlagi í nýju ljósi. Með myndavél fyrir aftan framrúðuna getur Light Assist greint ökutæki sem aka á undan eða koma úr gagnstæðri átt og skipt sjálfkrafa á milli lágu ljósanna og háu ljósanna. Þannig verður akstur í myrkri bæði þægilegri og öruggari.

Með We Upgrade er hægt að bæta við litaúrvalið fyrir stemningslýsinguna í Volkswagen Golf 8.
Með We Upgrade er hægt að bæta við litaúrvalið fyrir stemningslýsinguna í Volkswagen Golf 8.

Stemningslýsing (marglit): Fyrir innri ró.

Gefðu Golf-inum þínum persónulegri svip. Með því að bæta við grunnútgáfu stemningslýsingarinnar er hægt að lýsa upp innanrýmið með sérvöldum litum eftir stemningunni hverju sinni. Því með We Upgrade-eiginleikanum „stemningslýsing (marglit)“ stendur þér til boða litapakki með auknu úrvali lita til að skapa lýsingaráherslur. Hvort sem þú kýst kaldari eða heitari liti, ekur um götur upplýstrar borgarinnar eða ert á ferð um landið að næturlagi: Í sérhverri ferð skapar þú sérstakt andrúmsloft fyrir þig og farþega þína.

Mynd sem sýnir innanrými Golf að næturlagi. Sést greinilega: Stemningslýsing (áhrif) sem var keypt eftir á með We Upgrade

Stemningslýsing (áhrif): upplýsandi í orðsins fyllstu merkingu

Með „stemningslýsing (áhrif)“ eru mismunandi eiginleikar settir fram sjónrænt á auðskiljanlegan hátt með viðbót við grunnútgáfu stemningslýsingarinnar. Hér er meðal annars um að ræða viðvaranir og upplýsingar fyrir tiltekinn búnað, svo sem upplýsingar um hraðaaukningu eða viðvörun vegna hurðar.

We Upgrade. Þú líka?

Áttu þegar Golf og ertu með gildandi We Connect-samning? Sem We Connect-aðalnotandi getur þú þá prófað valda eiginleika þér að kostnaðarlausu í einn mánuð.

Yfirlit yfir We Upgrade-eiginleika fyrir Volkswagen-bílinn þinn

Hér færðu óformlegt yfirlit yfir hvaða völdum We Upgrade-eiginleikum er hægt að bæta við bílinn. Bíllinn þarf að vera búinn þeim tæknilegu eiginleikum og vélbúnaði sem þarf fyrir viðkomandi We Upgrade-vöru. Til þess að sjá hvaða eiginleikar eru í boði fyrir Volkswagen-bílinn þinn skaltu fara í In-Car-netverslunina í upplýsinga- og afþreyingarkerfinu eða í We Connect-netversluninaOpens an external link. Þar getur aðalnotandi séð hvaða We Upgrade-eiginleikar eru í boði fyrir bílinn og keypt þá.

Golf 8 og útfærslur

Aðrir bílar sem styðja We Connect

Leiðsögukerfi

Verður í boði síðar

Raddstýring

Verður í boði síðar

App-Connect

Verður í boði síðar

Háljósastjórnunin Light Assist

-

Stemningslýsing (marglit)

-

Stemningslýsing (áhrif)

-

Sjálfvirkur hraðastillir ACC

-

Golf 8 og útfærslur

Aðrir bílar sem styðja We Connect

Verður í boði síðar

Hafðu samband við okkur

Hafðu samband við okkur

Kontakt

Ertu með spurningar, hugmyndir eða svörun? Þú mátt gjarnan hringja í okkur.

Þú nærð í okkur í símanúmerið 800 - 4158 (gjaldfrjálst á öllum íslenskum Netum). Það er hægt að ná í okkur allan sólarhringinn. Ef símafyrirtækið þitt styður ekki þetta gjaldfrjálsa númer skaltu hringja í  síma: 539 - 0670. Kostnaður fer eftir gjaldskrá símafélagsins hverju sinni. Þegar hringt er erlendis frá geta reikigjöld átt við.

Þú mátt einnig gjarnan senda okkur tölvupóst á netfangið:
weconnect-support@volkswagen.deOpens a mail link

Fyrirvari frá Volkswagen

1.
Til þess að geta keypt We Upgrade-vörur þarf Volkswagen ID-notandareikning, gildandi We Connect-samning og sannvottun sem aðalnotandi, þ.e. tengingu notandareikningsins við bílinn sem um ræðir. Bíllinn þarf einnig að uppfylla tæknileg skilyrði fyrir viðkomandi vöru. Aðalnotandi getur séð hvaða We Upgrade-vörur eru í boði fyrir viðkomandi bíl í In-Car-netversluninni í upplýsinga- og afþreyingarkerfinu eða í We Connect-netversluninni á shop.volkswagen-we.com. Hægt er að greiða fyrir gjaldskyldar vörur í In-Car-netversluninni og í We Connect-netversluninni með þeim greiðslumátum sem þar standa til boða. Þegar búið er að kaupa og virkja We Upgrade-eiginleika eru þeir bundnir við bílinn, allir ökumenn geta notað þá og ekki er hægt að færa þá yfir á aðra bíla.
2.
Til þess að geta notað We Connect-þjónustu þarf að vera með Volkswagen ID-notandareikning og skrá sig inn í We Connect með notandanafni og lykilorði. Auk þess þarf að gera sérstakan samning fyrir We Connect eða We Connect Plus við Volkswagen AG á netinu. Fyrir We Connect Plus þarf að skrá bílinn á www.myvolkswagen.net eða með appinu Volkswagen We Connect (sem er fáanlegt í App Store og Google Play Store) innan 90 daga frá afhendingu bílsins til þess að geta notað þjónustuna ókeypis allan umsamda gildistímann.
Innbyggð internettenging gerir kleift að nota netþjónustu We Connect. Volkswagen AG stendur straum af tilheyrandi gagnakostnaði sem fellur til innan þjónustusvæðis í Evrópu, að undanskilinni „Streaming & Internet“-þjónustunni og tilteknum In-Car-öppum. Til þess að nota „Streaming & Internet“-þjónustuna, tiltekin In-Car-öpp og Wi-Fi-aðgangsstaðinn er hægt að kaupa gagnapakka hjá farsímafyrirtækinu Cubic Telecom og nota þá innan þjónustusvæðis í fjölmörgum Evrópulöndum. Gagnamagnið í þessum pökkum stendur öllum notendum og farþegum í bílnum til boða. Upplýsingar um skilmála, verð og lönd þar sem þjónustan er í boði er að finna á https://vw.cubictelecom.com. Einnig er hægt að nota netútvarp og streymi með fartæki (t.d. farsíma) sem býður upp á Wi-Fi-aðgangsstað. Í þessu tilviki er viðkomandi þjónusta aðeins í boði með farsímaáskrift notanda hjá símafyrirtæki og innan þjónustusvæðis farsímakerfisins. Viðbótarkostnaður kann að hljótast af gagnaflutningi í gegnum internetið, allt eftir gjaldskrá viðkomandi farsímafyrirtækis og sérstaklega við notkun erlendis (t.d. reikigjöld).
Til þess að nota ókeypis We Connect-appið þarf farsíma með viðeigandi iOS- eða Android-stýrikerfi og SIM-kort með gagnaáskrift notanda hjá símafyrirtæki. 
Framboð á We Connect- og We Connect Plus-þjónustu sem lýst er í pökkunum getur verið mismunandi eftir löndum og fer auk þess eftir bílnum og útbúnaði hans hverju sinni. Þjónustan er í boði í umsaminn samningstíma hverju sinni og kann að taka efnislegum breytingum eða vera tekin úr umferð meðan á honum stendur. Nálgast má nánari upplýsingar á www.connect.volkswagen-we.com og hjá samstarfsaðilum Volkswagen. Upplýsingar um verðskrár fyrir farsímanotkun fást hjá farsímafyrirtækinu.
3.
Sem stendur er raddstýring (á netinu) í boði fyrir eftirfarandi tungumál: þýsku, ensku (breska og bandaríska), frönsku, spænsku, tékknesku og ítölsku. 
4.
Raddstýring aðgerða leiðsögukerfisins í Ready 2 Discover er ekki í boði fyrr en opnað hefur verið fyrir leiðsögukerfið í We Upgrade.
5.
App-Connect nær yfir tæknina Apple CarPlay™, Android Auto™ og MirrorLink®. Til þess að trufla ökumanninn sem minnst er aðeins hægt að opna sérstaklega vottuð öpp meðan á akstri stendur. Hvað þetta varðar skal einnig hafa í huga að sum öpp eru ekki í boði fyrir alla þrjá tengimöguleikanna, þjónustuaðilinn kann að gera breytingar á eiginleikunum eða hætta að bjóða upp á þá meðan á samningstímanum stendur og að framboðið á þessari tækni getur verið mismunandi eftir löndum.  Nálgast má upplýsingar um samhæfa snjallsíma fyrir Apple CarPlay™ á https://www.apple.com/ios/carplay/, fyrir Android Auto™ á https://www.android.com/intl/is_is/auto/ og fyrir MirrorLink® á https://mirrorlink.com/
6.
ACC stjórnar hraðanum og fjarlægðinni þegar ekið er á hraða á bilinu frá 30 km/klst. (20 mph) til 210 km/klst. (130 mph). Þetta hraðasvið getur verið breytilegt eftir markaðssvæðum. Þú getur hvenær sem er tekið við stjórninni af ACC. Þegar stigið er á bremsuna verður hraðastillirinn óvirkur. Þegar gefið er í verður hraðastillirinn óvirkur á meðan verið er að auka hraðann og tekur síðan aftur við að því loknu. Þegar ekið er með eftirvagn er virkni ACC takmörkuð. Ef sjálfvirka hemlunin með ACC dugar ekki til segir ACC þér að hemla meira með tilkynningu í mælaborðinu. Auk þess kviknar á rauða viðvörunarljósinu og viðvörunarhljóð heyrist. Skynvæddur tæknibúnaður ACC-hraðastillisins er bundinn af lögmálum eðlisfræðinnar og vinnur eingöngu samkvæmt því sem geta kerfisins leyfir. Búnaður sem býður upp á aukin þægindi má aldrei leiða til þess að tekin sé óþarfa áhætta.