We Upgrade – Alltaf í nýjustu útgáfu
1
We Upgrade – Alltaf í nýjustu útgáfu
1
We Upgrade – Alltaf í nýjustu útgáfu
1

We Upgrade.
Stilltur inn á þína framtíð.

Búðu bílinn undir framtíðina! Þegar þér hentar.

We Connect 2 veitir þér aðgang að nýjustu kynslóð netþjónustu í nýja Golf. Bíllinn getur verið nettengdur frá fyrsta degi og þá stendur þér til boða mikið úrval We Connect-þjónustu. Þegar búið er að virkja þjónustuna og skrá sig inn með Volkswagen ID gerir We Connect daglega lífið umtalsvert þægilegra. Nýr möguleiki er að hægt er að bæta völdum eiginleikum við Volkswagen-bílinn eftir að hann er keyptur. Þú getur sniðið bílinn að þínum þörfum, þegar þér hentar. Á einfaldan hátt í gegnum netið. Í In-Car- eða We Connect-netversluninni. Hér getur þú sem We Connect-aðalnotandi séð hvaða „We Upgrade“1-eiginleikar eru í boði fyrir bílinn þinn á hverjum tíma.

Volkswagen-bíllinn þinn getur alltaf lært eitthvað nýtt: We Upgrade-eiginleikar fyrir nýja Golf

We Upgrade – Einföld og aðgengileg raddstýring

Raddstýring: „Halló Volkswagen

Golf-inn þinn skilur þig. Þú segir einfaldlega „Halló Volkswagen“ til að byrja að tala við bílinn og getur þannig stjórnað símanum, afþreyingunni og leiðsögukerfinu á öruggan og þægilegan hátt Til þess að geta notað raddskipanir í bílnum þarf að opna fyrir raddstýringu í leiðsögukerfinu „Discover Media“. Allt eftir bílgerð og útbúnaði getur verið hægt að stjórna fjölda aðgerða í bílnum með raddstýringu. Þannig geturðu haldið athyglinni á veginum og notið akstursins enn betur.

We Upgrade – Skjót og einföld tenging við snjallsímann

App Connect3: Notaðu öppin þín í bílnum

Með App-Connect er hægt að tengja símann við Volkswagen-bílinn með snúru og nota tiltekin öpp og efni beint á skjá upplýsinga- og afþreyingarkerfisins. Þannig er til dæmis hægt að spila tónlist, hlusta á fréttir, skoða kort eða hlusta á hljóðbækur á einfaldan og þægilegan hátt. Volkswagen býður upp á þrenns konar tengimöguleika fyrir snjallsíma sem hver um sig býður upp á fjölda kosta: Apple CarPlay™, Android Auto™ frá Google og MirrorLink®. Þráðlaus notkun Apple CarPlay™ er einnig möguleg með „We Upgrade“-eiginleika fyrir leiðsögukerfið „Discover Media“. Til þess að trufla ökumanninn sem minnst er aðeins hægt að opna sérstaklega leyfð öpp meðan á akstri stendur.

We Upgrade – Háu ljósunum stjórnað sjálfkrafa

Light Assist: Blinda engan. Við nánast öll skilyrði.

Með háljósastjórnuninni Light Assist í nýja Golf sérðu akstur að næturlagi í nýju ljósi. Með myndavél sem er staðsett fyrir aftan framrúðuna getur Light Assist greint ökutæki sem aka á undan eða koma úr gagnstæðri átt og skipt sjálfkrafa á milli lágu ljósanna og háu ljósanna. Þannig verður akstur í myrkri bæði þægilegri og öruggari.

Marglit stemningslýsing: Fyrir innri ró.

Gefðu nýja Golf persónulegri svip. Með því að bæta við grunnútgáfu stemningslýsingarinnar er hægt að lýsa upp innanrýmið með sérvöldum litum eftir stemningunni hverju sinni. Fáðu mjúka lýsingu í innanrýminu með allt að 32 litbrigðum. Hvort sem þú kýst kaldari eða heitari liti, ekur um götur upplýstrar borgarinnar eða ert á ferð um landið að næturlagi: Í sérhverri ferð skapar þú sérstakt andrúmsloft fyrir þig og farþega þína.

We Upgrade – Stemningslýsing fyrir innanrýmið

We Upgrade. Þú líka?

Áttu þegar nýjan Golf og ertu með gildandi We Connect-samning? Sem We Connect-aðalnotandi getur þú þá prófað valda eiginleika þér að kostnaðarlausu í einn mánuð.

Disclaimer by Volkswagen
1.
Til þess að geta notað We Upgrade-vörur þarf Volkswagen ID-notandareikning, gildandi We Connect-samning og sannvottun sem aðalnotandi, þ.e. tengingu notandareikningsins við bílinn sem um ræðir. Bíllinn þarf einnig að vera búinn þeim tæknilegu eiginleikum og vélbúnaði sem þarf fyrir viðkomandi „We Upgrade“-vöru. Aðalnotandi getur séð hvaða We Upgrade-vörur eru í boði fyrir viðkomandi bíl í In-Car-netversluninni í upplýsinga- og afþreyingarkerfinu. Til þess að greiða fyrir vörur þarf að skrá greiðslumáta einu sinni í We Connect-netversluninni https://shop.volkswagen-we.com. Þegar búið er að kaupa og virkja „We Upgrade“-eiginleika eru þeir bundnir við bílinn og ekki er hægt að færa þá yfir á aðra bíla.
2.
Til þess að geta notað We Connect-þjónustu þarf að vera með Volkswagen ID-notandareikning og skrá sig inn í We Connect með notandanafni og lykilorði. Auk þess þarf að gera sérstakan samning fyrir We Connect eða We Connect Plus við Volkswagen AG á netinu. Fyrir We Connect Plus þarf að skrá bílinn á www.portal.volkswagen-we.com innan 90 daga frá afhendingu bílsins til þess að geta notað þjónustuna ókeypis allan umsamda gildistímann.
Innbyggð internettenging gerir kleift að nota netþjónustu We Connect. Volkswagen AG stendur straum af tilheyrandi gagnakostnaði sem fellur til innan þjónustusvæðis í Evrópu, að undanskilinni „Streaming & Internet“-þjónustunni og tilteknum In-Car-öppum. Til þess að nota „Streaming & Internet“-þjónustuna, tiltekin In-Car-öpp og Wi-Fi-aðgangsstaðinn er hægt að kaupa gagnapakka hjá farsímafyrirtækinu „Cubic Telecom“ og nota þá innan þjónustusvæðis í fjölmörgum Evrópulöndum. Upplýsingar um verð og lönd þar sem þjónustan er í boði er að finna á https://vw.cubictelecom.com. Einnig er hægt að nota netútvarp og streymi með fartæki (t.d. snjallsíma) sem býður upp á Wi-Fi-aðgangsstað. Í þessu tilviki er viðkomandi þjónusta aðeins í boði með farsímaáskrift notanda hjá símafyrirtæki og innan þjónustusvæðis farsímakerfisins. Viðbótarkostnaður kann að hljótast af móttöku gagnapakka af netinu, eftir gjaldskrá viðkomandi farsímafyrirtækis, og sérstaklega við notkun erlendis (t.d. reikigjöld). 
Til þess að nota ókeypis forritið We Connect App þarf snjallsíma með viðeigandi iOS- eða Android-stýrikerfi og SIM-kort með gagnaáskrift notanda hjá símafyrirtæki.  
Framboð á We Connect- og We Connect Plus-þjónustu sem lýst er í pökkunum getur verið mismunandi eftir löndum og fer auk þess eftir bílnum og útbúnaði hans hverju sinni. Þjónustan er í boði í umsaminn samningstíma hverju sinni og kann að taka efnislegum breytingum eða vera tekin úr umferð meðan á honum stendur. Nálgast má nánari upplýsingar á www.portal.volkswagen-we.com og hjá samstarfsaðilum Volkswagen. Upplýsingar um verðskrár fyrir farsímanotkun fást hjá farsímafyrirtækinu.
3.
App-Connect nær yfir tæknina Apple CarPlay™, Android Auto™ og MirrorLink®. Til þess að trufla ökumanninn sem minnst er aðeins hægt að opna sérstaklega leyfð öpp meðan á akstri stendur. Hvað þetta varðar skal einnig hafa í huga að sum öpp eru ekki í boði fyrir alla þrjá tengimöguleikanna og að framboðið á þessari tækni getur verið mismunandi eftir löndum. Nálgast má upplýsingar um samhæfa snjallsíma fyrir Apple CarPlay™ á https://www.apple.com/ios/carplay/, fyrir Android Auto™ á https://www.android.com/intl/is_is/auto/ og fyrir MirrorLink® á https://mirrorlink.com/. 

Þú ert að nota gamla útgáfu af vafra!

Nýjar útgáfur er hægt að nálgast hér eða hér