We Upgrade – Alltaf í nýjustu útgáfu
1
We Upgrade – Alltaf í nýjustu útgáfu
1
We Upgrade – Alltaf í nýjustu útgáfu
1

We Upgrade.
Stilltur inn á þína framtíð.

Búðu bílinn undir framtíðina! Þegar þér hentar.

We Connect 2 veitir þér aðgang að nýjustu kynslóð netþjónustu í fjölmörgum gerðum Volkswagen-bíla. Bíllinn getur verið nettengdur frá fyrsta degi og þá stendur þér til boða mikið úrval We Connect-þjónustu. Þegar búið er að virkja þjónustuna og skrá sig inn með Volkswagen ID gerir We Connect daglega lífið umtalsvert þægilegra. Nýr möguleiki er að hægt er að bæta völdum eiginleikum við Volkswagen-bílinn eftir að hann er keyptur. Þú getur sniðið bílinn að þínum þörfum, þegar þér hentar. Á einfaldan hátt í In-Car-netversluninni í upplýsinga- og afþreyingarkerfi bílsins. Hér getur þú sem We Connect-aðalnotandi séð hvaða We Upgrade1-eiginleikar eru í boði fyrir bílinn þinn á hverjum tíma.

Volkswagen-bíllinn þinn getur alltaf lært eitthvað nýtt: We Upgrade-eiginleikar fyrir bíla sem styðja We Connect

We Upgrade – þægilegt og aðgengilegt leiðsögukerfi í bílnum

Leiðsögukerfi: Rataðu rétta leið

Þarftu betri yfirsýn yfir akstursleiðina? Opnaðu þá fyrir leiðsögueiginleika í upplýsinga- og afþreyingarkerfinu Ready 2 Discover eftir á og bættu þannig þægilegu og aðgengilegu leiðsögukerfi við bílinn þinn. Þegar þú opnar fyrir eiginleikana færðu innbyggt, þægilegt og aðgengilegt leiðsögukerfi með tvívíðum kortum fyrir Evrópu og aðgangi að áfangastöðum (POI). Eftir að opnað er fyrir eiginleikana í bílnum verða þeir alltaf í boði óháð internettengingu eða We Connect-samningi. Auk þessara hagnýtu eiginleika sem hægt er að nota án nettengingar býður We Connect Plus-leyfi einnig upp á fleiri gagnlegar netþjónustur til viðbótar. Með umferðarupplýsingum á netinu færð þú sem aðalnotandi upplýsingar um breytingar og hættur á akstursleiðinni því sem næst í rauntíma auk þess sem leiðarútreikningur á netinu sér til þess að leiðsögnin verði sem best. Ef stillingin „Deila staðsetningu“ er valin í upplýsinga- og afþreyingarkerfinu eru kortagögn uppfærð sjálfkrafa með reglulegu millibili með eiginleikanum „Uppfærsla korta á netinu“ þegar bíllinn er tengdur við netið.

We Upgrade – Einföld og aðgengileg raddstýring

Raddstýring: „Halló Volkswagen

Volkswagen-bíllinn þinn skilur þig. Þú segir einfaldlega „Halló Volkswagen“ til að byrja að tala við bílinn og getur þannig stjórnað tilteknum atriðum á borð við símann, afþreyingu og leiðsögukerfi á öruggan og þægilegan hátt. Til þess að geta notað raddskipanir í bílnum þarf að opna fyrir raddstýringu í upplýsinga- og afþreyingarkerfinu Ready 2 Discover 3 eða Discover Media. Allt eftir bílgerð og útbúnaði getur verið hægt að stjórna fjölda aðgerða í bílnum með raddstýringu. Þannig geturðu haldið athyglinni á veginum og notið akstursins enn betur.

We Upgrade – Skjót og einföld tenging við snjallsímann

App Connect4: Notaðu öppin þín í bílnum

Með App-Connect er hægt að tengja símann við Volkswagen-bílinn og nota tiltekin öpp og efni beint á skjá upplýsinga- og afþreyingarkerfisins. Þannig er til dæmis hægt að spila tónlist, hlusta á fréttir, skoða kort eða hlusta á hljóðbækur á einfaldan og þægilegan hátt. Volkswagen býður upp á þrenns konar tengimöguleika fyrir snjallsíma sem hver um sig býður upp á fjölda kosta: Apple CarPlay™, Android Auto™ frá Google og MirrorLink®. Þráðlaus notkun Apple CarPlay™ og Android Auto™ frá Google er einnig möguleg með We Upgrade-eiginleika fyrir leiðsögukerfið Discover Media og Ready 2 Discover. Til þess að trufla ökumanninn sem minnst er aðeins hægt að opna sérstaklega vottuð öpp meðan á akstri stendur. 

Frekari We Upgrade-eiginleikar fyrir nýja Golf

We Upgrade – Háu ljósunum stjórnað sjálfkrafa

Light Assist: Blinda engan. Við nánast öll skilyrði.

Með háljósastjórnuninni Light Assist í nýja Golf sérðu akstur að næturlagi í nýju ljósi. Með myndavél sem er staðsett fyrir aftan framrúðuna getur Light Assist greint ökutæki sem aka á undan eða koma úr gagnstæðri átt og skipt sjálfkrafa á milli lágu ljósanna og háu ljósanna. Þannig verður akstur í myrkri bæði þægilegri og öruggari.

Stemningslýsing (marglit): Fyrir innri ró.

Gefðu nýja Golf persónulegri svip. Með því að bæta við grunnútgáfu stemningslýsingarinnar er hægt að lýsa upp innanrýmið með sérvöldum litum eftir stemningunni hverju sinni. Því með We Upgrade-eiginleikanum „stemningslýsing (marglit)“ stendur þér til boða litapakki með auknu úrvali lita til að skapa lýsingaráherslur. Hvort sem þú kýst kaldari eða heitari liti, ekur um götur upplýstrar borgarinnar eða ert á ferð um landið að næturlagi: Í sérhverri ferð skapar þú sérstakt andrúmsloft fyrir þig og farþega þína.

We Upgrade – Stemningslýsing fyrir innanrýmið

We Upgrade. Þú líka?

Áttu þegar nýjan Golf og ertu með gildandi We Connect-samning? Sem We Connect-aðalnotandi getur þú þá prófað valda eiginleika þér að kostnaðarlausu í einn mánuð í In-Car-netversluninni.

Yfirlit yfir We Upgrade-eiginleika fyrir Volkswagen-bílinn þinn

Hér færðu óformlegt yfirlit yfir hvaða völdum We Upgrade-eiginleikum er hægt að bæta við bílinn. Bíllinn þarf að vera búinn þeim tæknilegu eiginleikum og vélbúnaði sem þarf fyrir viðkomandi We Upgrade-vöru. Til þess að sjá hvaða eiginleikar eru í boði fyrir Volkswagen-bílinn þinn skaltu fara í In-Car-netverslunina í upplýsinga- og afþreyingarkerfinu.  Þar getur aðalnotandi séð hvaða We Upgrade-eiginleikar eru í boði fyrir bílinn.

Nýi Golf

Aðrir bílar sem styðja We Connect

Leiðsögukerfi

Verður í boði síðar

Verður í boði síðar

Raddstýring

Verður í boði síðar

App-Connect

Verður í boði síðar

Háljósastjórnunin Light Assist

-

Stemningslýsing (marglit)

-

Nýi Golf

Verður í boði síðar

Aðrir bílar sem styðja We Connect

Verður í boði síðar

Disclaimer by Volkswagen
1.
Til þess að geta notað We Upgrade-vörur þarf Volkswagen ID-notandareikning, gildandi We Connect-samning og sannvottun sem aðalnotandi, þ.e. tengingu notandareikningsins við bílinn sem um ræðir. Bíllinn þarf einnig að vera búinn þeim tæknilegu eiginleikum og vélbúnaði sem þarf fyrir viðkomandi vöru. Aðalnotandi getur séð hvaða We Upgrade-vörur eru í boði fyrir viðkomandi bíl í In-Car-netversluninni í upplýsinga- og afþreyingarkerfinu. Til þess að greiða fyrir vörur þarf að skrá greiðslumáta einu sinni í We Connect-netversluninni https://shop.volkswagen-we.com. Þegar búið er að kaupa og virkja We Upgrade-eiginleika eru þeir bundnir við bílinn og ekki er hægt að færa þá yfir á aðra bíla.
2.
Til þess að geta notað We Connect-þjónustu þarf að vera með Volkswagen ID-notandareikning og skrá sig inn í We Connect með notandanafni og lykilorði. Auk þess þarf að gera sérstakan samning fyrir We Connect eða We Connect Plus við Volkswagen AG á netinu. Fyrir We Connect Plus þarf að skrá bílinn á www.portal.volkswagen-we.com innan 90 daga frá afhendingu bílsins til þess að geta notað þjónustuna ókeypis allan umsamda gildistímann.
Innbyggð internettenging gerir kleift að nota netþjónustu We Connect. Volkswagen AG stendur straum af tilheyrandi gagnakostnaði sem fellur til innan þjónustusvæðis í Evrópu, að undanskilinni „Streaming & Internet“-þjónustunni og tilteknum In-Car-öppum. Til þess að nota „Streaming & Internet“-þjónustuna, tiltekin In-Car-öpp og Wi-Fi-aðgangsstaðinn er hægt að kaupa gagnapakka hjá farsímafyrirtækinu „Cubic Telecom“ og nota þá innan þjónustusvæðis í fjölmörgum Evrópulöndum. Upplýsingar um verð og lönd þar sem þjónustan er í boði er að finna á https://vw.cubictelecom.com. Einnig er hægt að nota netútvarp og streymi með fartæki (t.d. snjallsíma) sem býður upp á Wi-Fi-aðgangsstað. Í þessu tilviki er viðkomandi þjónusta aðeins í boði með farsímaáskrift notanda hjá símafyrirtæki og innan þjónustusvæðis farsímakerfisins. Viðbótarkostnaður kann að hljótast af móttöku gagnapakka af netinu, eftir gjaldskrá viðkomandi farsímafyrirtækis, og sérstaklega við notkun erlendis (t.d. reikigjöld). 
Til þess að nota ókeypis forritið We Connect App þarf snjallsíma með viðeigandi iOS- eða Android-stýrikerfi og SIM-kort með gagnaáskrift notanda hjá símafyrirtæki.  
Framboð á We Connect- og We Connect Plus-þjónustu sem lýst er í pökkunum getur verið mismunandi eftir löndum og fer auk þess eftir bílnum og útbúnaði hans hverju sinni. Þjónustan er í boði í umsaminn samningstíma hverju sinni og kann að taka efnislegum breytingum eða vera tekin úr umferð meðan á honum stendur. Nálgast má nánari upplýsingar á www.portal.volkswagen-we.com og hjá samstarfsaðilum Volkswagen. Upplýsingar um verðskrár fyrir farsímanotkun fást hjá farsímafyrirtækinu.
3.
Raddstýring aðgerða leiðsögukerfisins í Ready 2 Discover er ekki í boði fyrr en opnað hefur verið fyrir leiðsögukerfið í We Upgrade.
4.
App-Connect nær yfir tæknina Apple CarPlay™, Android Auto™ og MirrorLink®. Til þess að trufla ökumanninn sem minnst er aðeins hægt að opna sérstaklega leyfð öpp meðan á akstri stendur. Hvað þetta varðar skal einnig hafa í huga að sum öpp eru ekki í boði fyrir alla þrjá tengimöguleikanna og að framboðið á þessari tækni getur verið mismunandi eftir löndum. Nálgast má upplýsingar um samhæfa snjallsíma fyrir Apple CarPlay™ á https://www.apple.com/ios/carplay/, fyrir Android Auto™ á https://www.android.com/intl/is_is/auto/ og fyrir MirrorLink® á https://mirrorlink.com/. 

Þú ert að nota gamla útgáfu af vafra!

Nýjar útgáfur er hægt að nálgast hér eða hér