1

Virkjaðu VW Connect eða We Connect

Skráning og innskráning

Nettengdu bílinn í örfáum skrefum

Snjallar netþjónustur VW Connect eða We Connect létta þér lífið – áður en þú leggur af stað, á meðan þú situr undir stýri og að akstrinum loknum. Hér sýnum við þér skref fyrir skref hvernig þú tengir nýja eða notaða bílinn þinn með einföldum hætti og virkjar eiginleikana.
Söluaðilinn aðstoðar þig einnig gjarnan með fyrstu skrefin og byrjar á virkjunarferlinu með þér áður en afhending bílsins fer fram.

Athugaðu að til þess að geta nýtt þér eiginleikana þarftu að vera með Volkswagen ID-notandareikning auk þess sem þú þarft að ganga frá sérstökum samningi við Volkswagen AG um notkun netþjónustunnar.

01. Sæktu Volkswagen-appið

Sæktu Volkswagen-appið fyrir iOS eða Android þér að kostnaðarlausu.

Sækja í App StoreOpna ytri hlekk

Sækja í Google PlayOpna ytri hlekk

02. Stofnaðu Volkswagen ID-notandareikning 

Skráðu þig inn með Volkswagen ID-aðganginum þínum í appinu. Ef þú ert ekki með Volkswagen ID-aðgang leiðir appið þig í gegnum skráninguna skref fyrir skref.

Innskráning eða nýskráningOpna ytri hlekk

03. Bæta við bíl

Bættu bílnum þínum við notandareikninginn í Volkswagen-appinu með verksmiðjunúmeri (grindarnúmeri) bílsins. Grindarnúmerið er að finna á framrúðu Volkswagen-bílsins eða í skráningarskírteininu.

04. Virkjaðu VW Connect eða We Connect

Gakktu frá VW Connect- eða We Connect-samningnum eins og sýnt er í appinu og farðu síðan í „Tengjast VW Connect eða We Connect“ í upplýsinga- og afþreyingarkerfinu. Fylgdu leiðbeiningunum í appinu.

Hér er hægt að sækja PDF-skjal með frekari upplýsingum og ítarlegri lýsingu á því hvernig skal virkja VW Connect eða We Connect.

Fyrir notaða bíla er hér einnig að finna leiðbeiningar um hvaða skref þarf að framkvæma til viðbótar til að virkja.

Sækja PDF-skjal með ítarlegum leiðbeiningum (PDF, 70 KB)

Prófaðu netþjónusturnar ókeypis í notaða bílnum þínum

Tengdu notaða bílinn þinn við farsímann og heiminn: Notaðu þjónusturnar í VW Connect Plus eða We Connect Plus, eftir bílnum hverju sinni, í þrjá mánuði þér að kostnaðarlausu.2

Virkjaðu prufutímann í VW Connect-versluninniOpna ytri hlekk

Myndband með leiðbeiningunum

Remaining time, --:--

Volkswagen-appið

Stafrænn förunautur fyrir Volkswagen-bílinn þinn

Kona horfir á farsíma. Í bakgrunni sést rauður Volkswagen. Hægra megin sjást merki App Store og Google Play Store og QR-kóði sem vísar þangað.

Með Volkswagen-appinu hefur þú þægilegan aðgang að stafrænum þjónustum fyrir Volkswagen-bílinn þinn. Nota verður appið til þess að virkja þjónusturnar og nettengja bílinn. Með appinu hefur þú aðgang að þjónustum VW Connect, We Connect eða Car-Net og getur meðal annars skipulagt akstursleið og athugað stöðuna á bílnum. Með We Charge getur þú auk þess hlaðið og borgað með þægilegum hætti þegar þú ert á ferðinni.

Sækja í App Store
Sækja í Google Play

Þú gætir líka haft áhuga á þessu

Stafrænir viðbótareiginleikar

Tengdu farsímann þinn við Volkswagen-bílinn þinn á einfaldan hátt – og færðu tónlistina, leiðsögukerfið og snjalla eiginleika beint yfir á skjá upplýsinga- og afþreyingarkerfisins.

Meira um App-Connect
Stafrænir viðbótareiginleikar

Finndu réttu stafrænu þjónusturnar fyrir bílinn þinn - veldu einfaldlega og byrjaðu strax.

Sjáðu hvaða þjónusta er í boði fyrir bílinn þinnOpna ytri hlekk
Hjálp og samskiptaupplýsingar

Ertu með spurningar? Hér færðu skjót svör eða persónulega ráðgjöf í tengslum við stafrænar þjónustur okkar.

Meira um hjálp fyrir öpp og stafræna þjónustu
© Volkswagen 2026

Fyrirvari frá Volkswagen

  1. 1.
    Við kaup á nýjum bíl stendur til boða að nota netþjónustur Volkswagen án endurgjalds meðan á upprunalegum samningstíma stendur. Þetta á þó ekki við um þjónustupakkann VW Safe & Secure, en sem stendur er ekki boðið upp á að nota hann án endurgjalds meðan á upprunalegum samningstíma stendur. Skilyrði fyrir notkun er að gildur Volkswagen ID-notandareikningur sé fyrir hendi og að notandi skrái sig inn með notandanafni og lykilorði. Þegar búið er að stofna Volkswagen ID-notandareikning og tengja hann við bílinn þarf að ganga frá sérstökum samningi um netþjónustur við Volkswagen AG. Hægt er að gera það á netinu á slóðinni www.myvolkswagen.net, í Volkswagen-appinu (sem hægt er að sækja í App Store og Google Play Store) eða beint í upplýsinga- og afþreyingarkerfi bílsins. Innbyggð internettenging gerir kleift að nota netþjónusturnar. Volkswagen AG stendur straum af tilheyrandi gagnakostnaði sem fellur til innan þjónustusvæðis í Evrópu. Þetta á þó ekki við um þjónustupakkann VW Comfort & Entertainment, en fyrir hann býður Volkswagen AG gagnapakka upp á 20 GB mánaðarlega í gegnum samstarfsaðilann Vodafone sem hægt er að nota innan þjónustusvæðis í fjölmörgum Evrópulöndum. Hjá Vodafone eða Cubic er einnig hægt að kaupa meira gagnamagn en þessu nemur, t.d. til að nota Wi-Fi-aðgangsstaði eða öpp frá þriðju aðilum. Nánari upplýsingar um skilmála, verð og lönd þar sem þjónustan er í boði er að finna á vefsíðu farsímafyrirtækisins. Sumum eiginleikum er hægt að stjórna með Volkswagen-appinu. Til þess að geta notað ókeypis appið þarf farsíma með viðeigandi iOS- eða Android-stýrikerfi og SIM-kort með gagnaáskrift notanda hjá símafyrirtæki. Athugaðu að notkun farsímagagna getur fylgt viðbótarkostnaður – sérstaklega erlendis (t.d. vegna reikigjalda). Volkswagen AG ber enga ábyrgð hvað þetta varðar.   Framboð á netþjónustu sem er innifalin í pökkunum getur verið mismunandi eftir landi, bílgerð, hugbúnaði og útbúnaði hverju sinni. Þjónusturnar eru í boði í umsaminn samningstíma hverju sinni og kunna að taka efnislegum breytingum eða vera teknar úr umferð meðan á honum stendur. Nálgast má nánari upplýsingar á connect.volkswagen.com og hjá samstarfsaðilum Volkswagen. Upplýsingar um verðskrá fyrir farsímaáskrift fást hjá viðkomandi farsímafyrirtæki.
  2. 2.
    Til þess að geta nýtt þér prufutímann fyrir VW Connect Plus / We Connect Plus þarftu að vera með Volkswagen ID-notandareikning, gildandi VW Connect- / We Connect-samning og sannvottun sem aðalnotandi, þ.e. tengingu notandareikningsins við bílinn. Það hvort prufutími er í boði fer eftir árgerð og framleiðsludegi bílsins. Þú getur séð hvort þetta er í boði fyrir bílinn þinn á einfaldan hátt í Volkswagen Connect-versluninni á slóðinni connect-shop.volkswagen.com eða í In-Car-netversluninni í upplýsinga- og afþreyingarkerfi Volkswagen-bílsins þíns. Ef þú hefur þegar gengið frá VW Connect (Plus)- / We Connect (Plus)-samningi fyrir bílinn þinn er ekki hægt að virkja prufutímann. Sem nýr aðalnotandi getur þú tekið yfir og nýtt það sem eftir er af virka gildistímanum þér að kostnaðarlausu. Ef virkt leyfi frá fyrri aðalnotanda er ekki lengur fyrir hendi eða ef minna en þrír mánuðir eru eftir af gildistímanum getur þú þess í stað virkjað og nýtt þér þriggja mánaða ókeypis prufutímann. Ef prufutími er í boði fyrir þig og bílinn þinn getur þú virkjað hann einu sinni án endurgjalds í Volkswagen Connect-versluninni. Þegar búið er að virkja prufutímann getur þú prófað netþjónustur Volkswagen AG í þrjá mánuði þér að kostnaðarlausu. Athugaðu að prufutíminn framlengist ekki sjálfkrafa. Þú getur keypt netþjónustupakka sem hentar þér í netversluninni connect-shop.volkswagen.com eða í In-Car-netversluninni í upplýsinga- og afþreyingarkerfi Volkswagen-bílsins þíns. Til að fá frekari upplýsingar um prufutíma getur þú alltaf haft samband við notendaþjónustu Volkswagen þér að kostnaðarlausu.