Fjármögnun
Fjármögnun
Ef skoða þarf fjármögnunarmöguleika er gott að gera samanburð hjá fleiri en einu fjármögnunarfyrirtæki. Bera saman vaxta-, greiðslu- og lengdarmöguleika og finna hvar er hagstæðast fyrir þig að fjármagna kaup þín.
Fyrir einstaklinga
Fjármögnunarfyrirtæki og tryggingarfélög aðstoða kaupendur við að fjármagna kaup á nýjum bíl. Fjármögnun getur numið allt að 90% af kaupverði bifreiðar. Þær leiðir sem standa til boða eru m.a.:
- Bílalán
- Bílasamningur
Kaupandi er skráður eigandi bifreiðar ef um bílalán er að ræða. Tekið er veð í bifreið og er bifreiðin húftryggð á lánstímanum.
Fjármögnunarfyrirtækið er skráður eigandi bifreiðar ef um bílasamning er að ræða en lántakandi er skráður umráðamaður bifreiðar á samningstíma.
Fyrir fyrirtæki
Auk bílalána og bílasamninga þá geta fyrirtæki nýtt sér Kaupleigu. Þegar um kaupleigu er að ræða, kaupir fjármögnunarfyrirtækið bílinn og leigir lög-/rekstaraðilanum bílinn í umsaminn tíma. Að leigutíma loknum, þegar búið er að greiða umsamda lokagreiðslu er tækinu afsalað til lög-/rekstraraðilans.
