Multivan

Langar þig til að fara um borgina á rafmagninu einu saman? Með Multivan eHybrid er það nú mögulegt. Með fullhlaðna rafhlöðu getur þú farið í margar af þínum daglegu ferðum á rafmagninu einu saman. Í mörgum borgarhverfum getur þú ekið stuttar vegalengdir algjörlega kolefnislaust. Þetta kallar fram nýja akstursupplifun fyrir þig og sýnir líka að þú berð framtíð ungu kynslóðarinnar fyrir brjósti.

Multivan táknar meira frelsi og þess er meðal annars hægt njóta með fjölvirkniborðinu í innanrýminu. Ekki bara staðsetningu heldur líka lögun borðsins er hægt að breyta. Hægt er að brjóta það saman yfir bogana, ýta því alla leið á milli framsætanna og nota það sem miðjustokk með geymsluhólfum og glasahöldum.

Á meðal styrkleika nýs Multivan eru einstaklingssæti í farþegarýminu sem auðvelt er að fella saman og fjarlægja. Þú getur hvort sem er látið sætin snúa í akstursáttina eða augliti til auglitis. Mjög auðvelt er að breyta sætaskipulaginu, hvor leiðin sem er valin. Annar hápunktur: Í fyrsta skipti er boðið upp á hita í sætum og þá er tryggt að börnunum er hlýtt á köldum vetrardögum.

Njóttu ávinningsins af fyrsta hallanlega útsýnisþakinu sem hefur verið sett upp í Multivan. Tvískipt hallandi útsýnisþak býður upp á stórkostlegt útsýni og flæðandi birtu inn í innanrýmið, sem virkar enn plássríkara fyrir vikið. Jafnframt dregur sérstök LowE-klæðning úr hitageislun og færir þægindin í Multivan upp á nýtt stig.

Multivan hefur aldrei verið svona snjall, svona vel tengdur og svona þægilegur. Fljótandi mælaborð með stafrænum skjá er skýrt og með hágæða útlit. Leðurklætt fjölnotastýrið með flipum, stafrænt stjórnrými (Digital Cockpit) og upplýsinga- og afþreyingarkerfi með 25,4 tommu snertiskjá – allt er þetta staðalbúnaður. Ef þess er óskað er líka hægt að fá 18-liða heilsusamleg ergoComfort sæti og fyrsta flokks hljóðkerfi frá Harman Kardon með 14 afkastamikla hátalara.

Það hefur aldrei verið eins auðvelt að stíga inn í heim VW Transporter.  Multivan er ekki bara smágerðari en fyrirrennari sinn, hann er líka eins og fjölskyldubíll hvað varðar stýringu og þægindi í akstri. Í boði er stöðluð stærð (4,98 m) og lengri útgáfa (5,18 m). Hæð beggja útgáfa er um 1,90 m og hæð innanrýmis sú sama. Með nýju hallanlegu útsýnisþaki er  Multivan um 2 cm hærri að innan.  Multivan sýnir líka styrkleika sína í borginni og kemst hæglega í gegnum borgarumferðina.

Tvær rennihurðir eru núna staðalbúnaður í öllum Multivan. Það hefur aldrei verið eins auðvelt að fara inn og út úr bílnum. Með lyklalausu aðgengiskerfi, Keyless Advanced, aflæsast dyrnar sjálfkrafa um leið og þú ert komin(n) í nálægð við bílinn. Easy Open virknin gerir þér síðan kleift að opna og loka rennihurðunum og afturhleranum með hreyfistýringu. Þú getur haft hendurnar í vösunum. Örlítið spark með fætinum undir skynjarann er nóg til að opna og loka dyrunum.

Þetta er virkilega þægilegt í innanrýminu: Fjölmörg geymslupláss. Hvort sem er í stjórnrýminu, við dyrnar, undir sætunum eða á samfellanlegu fjölvirkniborðinu:  Multivan býður upp á nóg pláss til að geyma hluti á borð við spjaldtölvur, leikföng, teppi, drykkjarflöskur og kaffibola, örugglega og snyrtilega. Aukahólf undir snjallsímann þinn er að finna í mælaborðinu og hægt er að uppfæra það í hleðslustöð fyrir símann, ef þess er óskað.