Upgrades-eiginleikar fyrir ID.-bílinn þinn 

Kemur sér einstaklega vel í skammdeginu: Háljósastjórnunin Light Assist sér til þess að þú þarft ekki að skipta handvirkt milli háu og lágu ljósanna. 

Með myndavél getur Light Assist greint ökutæki sem aka á undan eða koma úr gagnstæðri átt og skipt sjálfkrafa á milli lágu ljósanna og háu ljósanna. Þannig lýsir bíllinn akbrautina betur upp og greina má hindranir fyrr.

Ertu á leiðinni í frí á bílnum? Bættu við lofkælinguna snjöllum eiginleikum og tveggja svæða stýringu sem nota má til að stjórna loftræstingunni sérstaklega fyrir bílstjórasætið og farþegasætið. 

Viðbótareiginleikar sjálfvirku loftkælingarinnar Air Care Climatronic bjóða upp á frekari þægindi. Í valmyndinni fyrir "Smart Climate" og "Air Care" er fljótlegt að velja stillingar fyrir ferskt og hreint loft í innanrými bílsins, yl eða kælingu fyrir hendur og fætur sem og móðueyðingu á rúðum.

Lýstu upp innanrými ID.-bílsins eftir þínu höfði: Með Upgrade-eiginleikanum fyrir stemningslýsingu er hægt að bæta úrvali allt að 30 lita við lýsinguna með sveigjanlegum hætti. 

Pakkinn með auknu litaúrvali gerir kleift að útfæra stílhreina lýsinguna í bílnum með enn persónulegri áherslum. Skapað er viðeigandi andrúmsloft eftir smekk eða stemningu hverju sinni. 

Þú getur fundið og keypt alla Upgrades⁴-eiginleika sem eru í boði fyrir ID.-bílinn þinn í In-Car-netversluninni í upplýsinga- og afþreyingarkerfinu eða í We Connect-netversluninni. Í vöruyfirlitinu sem þar er að finna koma fram allar helstu upplýsingar um eiginleikana.

Til þess að hægt sé að opna fyrir Upgrades⁴-eiginleika þarf bíllinn að vera nettengdur. Þegar greiðsla hefur borist er nýi eiginleikinn settur upp og verður hann þá í boði næst þegar bíllinn er settur í gang. 

Þegar búið er að virkja nýja eiginleikann er einnig hægt að nota hann án nettengingar. Tilteknir eiginleikar á borð við leiðsögukerfið bjóða upp á frekari netvirkni sem stendur til boða með gagnatengingu í netþjónustum We Connect Plus³.