Aðgangur þinn að stafrænum þjónustum Volkswagen og bein tenging við bílinn þinn: Með VW Connect eða We Connect er Volkswagen-bíllinn þinn klár fyrir nettengda eiginleika. Virkjun þarf að fara fram einu sinni og að henni lokinni getur þú notað ýmiss konar framsæknar og nytsamlegar netþjónustur.

Til þess að geta notað þessa gjaldfrjálsu þjónustu þarf að gera sérstakan samning fyrir VW Connect eða We Connect við Volkswagen AG á netinu.

Athugaðu að ótakmarkað framboð á netþjónustum getur verið háð frekari skilyrðum á borð við valið notandahlutverk, stillingum í umsjón með þjónustu eða persónuverndarstillingum í bílnum.

Heimur stafrænnar þjónustu frá Volkswagen færir tengimöguleikana upp á næsta stig: Með Volkswagen ID-notandareikningi og með því að virkja VW Connect Plus eða We Connect Plus standa þér til boða fleiri snjallir eiginleikar: allt frá snjallri leiðsögn með upplýsingum nánast í rauntíma til netútvarps og þess að nota farsímann sem fjarstýringu. Þannig nýturðu enn meiri þæginda og afþreyingar.

Til þess að geta notað þessar þjónustur þarf að gera sérstakan samning fyrir VW Connect Plus eða We Connect Plus við Volkswagen AG á netinu. Fyrir VW Connect Plus og We Connect Plus þarf að skrá bílinn á www.myvolkswagen.net eða með Volkswagen-appinu (sem er fáanlegt í App Store og Google Play Store) innan 90 daga frá afhendingu bílsins til þess að geta notað þjónusturnar ókeypis allan fyrsta gildistímann.

Athugaðu að ótakmarkað framboð á netþjónustum getur verið háð frekari skilyrðum á borð við valið notandahlutverk, stillingum í umsjón með þjónustu eða persónuverndarstillingum í bílnum.

Með Upgrades-eiginleikum getur þú bætt eiginleikum við Volkswagen-bílinn þinn á sveigjanlegan hátt. Til þess að geta keypt og notað Upgrades-eiginleika þarf Volkswagen ID-notandareikning, gildandi VW Connect- eða We Connect-samning og sannvottun sem aðalnotandi, þ.e. tengingu notandareikningsins við bílinn sem um ræðir. Bíllinn þarf einnig að vera búinn þeim tæknilegu eiginleikum og vélbúnaði sem þarf fyrir viðkomandi vöru, en það getur verið háð árgerð og framleiðsludegi. Aðalnotandi getur séð hvaða Upgrades-eiginleikar eru í boði fyrir viðkomandi bíl og keypt þær í In-Car-netversluninni í upplýsinga- og afþreyingarkerfinu eða í Volkswagen Connect-versluninni. Hægt er að greiða fyrir gjaldskyldar vörur í In-Car-netversluninni og í Volkswagen Connect-versluninni með þeim greiðslumátum sem þar standa til boða. Volkswagen-samstarfsaðilinn þinn aðstoðar þig einnig gjarnan ef þú ert með spurningar varðandi Upgrade-eiginleika og framboð á þeim. Þegar búið er að kaupa og virkja eiginleika eru þeir bundnir við bílinn, allir ökumenn geta notað þá og ekki er hægt að færa þá yfir á aðra bíla.

Undirbúningur fyrir nettengingu er staðalbúnaður í bílum sem styðja VW Connect og We Connect. Fyrir nýja bíla með viðeigandi útbúnaði standa tilteknir þjónustupakkar til boða án endurgjalds á fyrsta áskriftartímabili. Hægt er að framlengja þjónustuna meðal annars í In-Car-netversluninni í upplýsinga- og afþreyingarkerfinu eða í Volkswagen Connect-versluninni.