Með Car-Net færðu betri upplýsingar á fljótlegri hátt. Þú kemst á áfangastað á afslappaðan og þægilegan hátt með því að fylgja akstursleiðsögn sem er uppfærð stöðugt í samræmi við umferðaraðstæður. Láttu lesa upp fréttir fyrir þig á meðan þú ekur, hlustaðu á uppáhaldsstöðina þína utan útsendingarsvæðis í gegnum netið og sparaðu þér tíma við að leita að bílastæði með því að láta vísa þér beint að lausu bílastæði í bílastæðahúsi eða á almennu bílastæði á áfangastað.

Þú nýtur góðs af snjöllum og forsjálum leiðarútreikningi sem gerir akstursleiðsögnina enn gagnlegri. Áður en ekið er af stað er akstursleiðin þegar uppfærð í rauntíma með Traffic Server-þjóninum og síðan löguð stöðugt að umferðaraðstæðum hverju sinni. Þannig ekur þú alltaf bestu leiðina á áfangastað.

Neyðarkallið sem sent er sjálfkrafa til neyðarlínu Volkswagen þegar loftpúði blæs út eða forstrekkjari öryggisbelta verður virkur sýnir hversu mikilvæg snjöll nettenging getur verið í neyðartilvikum. Með vegaaðstoð, sjálfvirkri slysatilkynningu og netþjófavarnarkerfi tryggir „Security & Service“ öryggi þitt allan sólarhringinn.

Með App-Connect getur þú tengt snjallsímann þinn við upplýsinga- og afþreyingarkerfið í Touareg og notað ýmis öpp meðan á akstri stendur. Með Volkswagen Media Control geta farþegar í bílnum stjórnað kerfinu með farsíma eða spjaldtölvu.

Með netútvarpinu geturðu hlustað á uppáhaldsstöðvarnar þínar og hlaðvarp hvar sem er. Þegar farið er út af hefðbundnu útsendingarsvæði skiptir eiginleikinn „FM-netútvarp“ sjálfkrafa af FM yfir á streymi á netinu. Þannig getur þú haldið áfram að hlusta á uppáhaldsstöðina þína án truflana.
Til þess að geta notað „Netútvarp“ og „FM-netútvarp“ þarf að kaupa gagnapakka fyrir eSim-kortið eða nota eigin gagnatengingu.

Enginn vill lengur án internetsins vera – sérstaklega ekki á löngum bílferðum. Touareg býður upp á innbyggðan Wi-Fi-aðgangsstað sem gerir þér og farþegum þínum kleift að nota einu og sömu nettenginguna – sama hvort senda á póst, streyma kvikmynd eða athuga hver staðan er í leiknum: Allt að átta tæki geta tengst netinu samtímis. Til þess að geta notað Wi-Fi-aðgangsstað þarf að kaupa gagnapakka fyrir eSim-kortið eða nota eigin gagnatengingu.

Svo tryggt sé að þú hafir sem mesta ánægju af akstrinum aðstoðar Volkswagen-bíllinn þig við að panta tíma á verkstæði. Þegar sinna þarf viðhaldi sendir Volkswagen-bíllinn upplýsingarnar til þjónustuaðila að þínu vali. Verkstæðið hefur síðan samband við þig og þú getur pantað tíma á þægilegan hátt.

Þú getur andað rólega, því Volkswagen-bíllinn þinn getur passað upp á sig sjálfur. Ef reynt er að brjótast inn í bílinn getur þú fengið tilkynningu í Volkswagen We Connect App í snjallsímanum eða með tölvupósti ásamt nánari upplýsingum um það sem gerðist.

Með þjónustunni „Netstjórnun aukamiðstöðvar“ er hægt að kynda innanrými bílsins með þægilegum hætti í We Connect appinu eða í We Connect-vefgáttinni. Þú stillir einfaldlega inn brottfarartíma fyrir næstu ferð eða setur upp vikuplan – og miðstöðin kyndir í samræmi við þínar þarfir.

Athugaðu: Aðeins í boði með aukamiðstöð sem er aukabúnaður.