Staðreyndir í stað ályktana

Ef þú tekur mið af viðvörunum ættir þú ekki að lenda með tankinn tóman því þú færð að vita með góðum fyrirvara áður en rafmagnið tæmist. Bíllinn skiptir líka sjálfkrafa yfir í orkusparandi stillingu. Auk þess mun net hleðslustöðva fara sívaxandi á næstu misserum og leiðsögukerfið í bílnum vísar þér greiðlega á næstu hleðslustöð. Hleðslustöðvar ON má finna hér og hleðslustöðvar frá Ísorku má finna hér.

Endingin á rafgeyminum í rafbílnum þínum fer eftir því hvað hann er oft hlaðinn og afhlaðinn. Almennt sagt þá getur þú hlaðið og afhlaðið rafbílinn þinn mörg þúsund sinnum án þess að það bitni á frammistöðu hans. Volkswagen ábyrgist líka að rafgeymirinn fer ekki niður fyrir 70% af nýtilegu magni eftir 8 ár eða 160.000 km – hvort sem kemur á undan.

Hvað það tekur langan tíma að fullhlaða bílinn fer eftir hleðslustöðinni. AC hleðsla með 11 kW veggboxi heima eða í vinnunni nær fullri hleðslu á bílinn á 5-8 klukkustundum. Akstursvenjur þínar geta verið þannig að þú þarft bara að hlaða bílinn einu sinni til tvisvar í viku, en þú getur líka dreift þessu yfir á styttri daglegar hleðslur. Á hraðhleðslustöð nær rafgeymirinn 80% hleðslu á aðeins 30 mínútum.

Rafbílar eru enn álitnir vera þeir kostnaðarsömustu. Það er satt að kaupverðið er eitthvað hærra en á sambærilegum bensín- eða dísilbílum. Ástæðan fyrir þessu er framleiðslukostnaðurinn á rafgeyminum. Hins vegar eru kauphvatar, ívilnanir, skattafríðindi og lægri eldsneytiskotnaður, sem og minni viðhaldskostnaður, þættir sem eru fljótir að vega upp þennan viðbótarkostnað.

Einhverjir algengustu fordómar gegn rafbílum sem heyrast eru þeir að við komumst ekki langt á þeim. En þetta er liðin tíð því drægni nýrra rafbíla í ID. fjölskyldunni sem byggt er á MEB-kerfinu er miklu meira en þig grunar. Drægni nýrra rafbíla getur verið á bilinu 330 til 550 km í WLTP-staðlinum, en það fer eftir stærð rafgeymis, dekkjum og lögun yfirbyggingar hvers bíls.

Sem börnum er okkur kennt að rafmagn sé hættulegt. Sérstaklega ef það blandast vatni. Engu að síður er ekkert að óttast þegar rafbíll er hlaðinn í rigningu, til dæmis. Vegna þess að svo lengi sem rafgeymirinn og hleðslustöðin uppfylla staðla þá flæðir ekkert rafmagn fyrr en örugg tenging hefur komist á. Þú getur líka ekið í gegnum bílaþvottastöð eða opnað vélarhlífina í rigningu án þess að nein áhætta sé tekin. Rafbíllinn þinn er jafn öruggur og hvaða annar bíll sem er í þrumum og eldingum.

Margt fólk heldur að rafbílar séu hægir og þunglamalegir með sinn stóra rafgeymi. En það er öðru nær. Í fyrsta lagi þurfa þeir ekki sprengivél eða gírkassa og í öðru lagi er rafgeymirinn innbyggður í gólfið. Það lækkar þyngdarmiðpunktinn og veldur því að þunginn dreifist betur. Auk þess eru litlir en öflugir rafmótorar á öxlunum. Tafarlaus hröðun án gírskiptinga þýðir að þú getur skemmt þér eins vel við aksturinn og í go-kart bíl – og gangurinn er hljóðlátur. Ekki hljómar þetta nú neitt leiðinlega.

Auðveldasta leiðin til að hefja daginn á fullhlöðnum rafbíl er að hafa hleðslustöð við húsdyrnar. Þetta er ekki bara kostur fyrir eigendur einbýlishúsa heldur hentar líka í bílskúra fyrir utan blokkir. Þú getur sett þar upp veggbox og þá þarftu bara hleðslusnúru til að hlaða rafbílinn. Þú getur líka notað kapalinn sem veittur er fyrir hleðsluna. Það tekur dálítið lengri tíma en er jafn einfalt.